2008/12/12

Залуу судлаачдын семинар амжилттай боллоо

Байгалийн Ухааны Салбарын Залуу Эрдэмтдийн Холбоо болон МУИС-ийн Экологийн Боловсролын төвийн хамтран зохион байгуулж буй “Залуусаас залууст” сэдэвт залуу судлаачдын уулзалт, семинар 12 дугаар сарын 11 ны өдрийн Пүрэв гарагт Экологийн Боловсролын төвийн хурлын зааланд амжилттай болж өндөрлөлөө.

Уг семинарын зорилго нь Байгалийн ухааны салбарын чиглэлээр сурдаг болон судалгаа шинжилгээний ажил хийдэг залуучууд, судлаачдын илтгэх чадварыг хөгжүүлэх, тэдний судалгааны ажлыг бусдад хүргэх, таниулах, үнэтэй зөвлөгөө хуваалцах явдал юм. Тус семинар нь сар бүрийн хоёрдахь долоо хоногийн пүрэв гарагт зохиогддог.

Семинар анхны гэдэг утгаараа БУСЗЭХ-ын Удирдах зөвлөл, Хяналтын зөвлөлийн гишүүдийн дунд хийгдсэн бөгөөд бид дараа дараагийн ээлжит семинарууддаа аль болох олон залуусыг хамруулж, семинарын үйл ажиллагаагаа өргөжүүлэх болно.

Энэ удаагийн семинарт Шинжлэх Ухааны Академийн Хими, хими технологийн хүрээлнгийн эрдэм шинжилгээний ажилтан
Л. Энхсүх “Зарим төрлийн ашигт ургамлаас ундааны зориулалттай хагас бэлэн бүтээгдэхүүн гарган авах технологийн судалгаа”
Физикийн хүрээлэнгийн эрдэм шижилгээний ажилтан
П. Довчинваанчиг “A study of nanostructured Membrane Electrode Assembly for FEM Fuel Cell” зэрэг өөрсдийн судалгааны ажилуудаар илтгэл хэлэлцүүллээ.

Сонирхсон хүн бүрт манай семинарын хаалга үргэлж нээлттэй байх болно.
Та бидэнтэй холбоо барихыг хүсвэл: 99069698, 96053336, 99068399 зэрэг утасаар холбоо барина уу!

2008/12/09

Байгалийн Ухааны Салбарын Залуу Эрдэмтдийн Холбооны бүтэц, зохион байгуулалт


Үүсгэн байгуулагдсан хугацаа: 2005-03-17ны өдөр

Санаачлагч: С. Дэмбэрэл, Б. Амарсанаа

Холбооны тэргүүнээр: С. Дэмбэрэл 2004-2007 он
Б. Авид 2007-2009
Д. Хасбаатар 2009 оноос
Гүйцэтгэх захирлаар: Б. Амарсанаа 2004-2005 он
Ц. Ганзориг 2005-2007 он
Л. Энхсүх 2008-2009 он 
О. Жамъян 2009 оноос тус тус ажиллаж байна.

Эрхэм зорилго:

“Шинжлэх ухааныг бодитойгоор хөгжүүлэх, шинэ технологийг нэвтрүүлэх, залуу эрдэмтэн судлаачдыг дэмжих, бэлтгэх, Монгол Улсын хөгжилд оруулах залуу эрдэмтэн судлаачдын оролцоог нэмэгдүүлэх”-д оршино.

Үйл ажиллагааны үндсэн чиглэл:

- Судлаач, эрдэмтэн залуучуудын ажлыг дэмжин, туршлага солилцуулах, үндэсний болон олон улсын эрдэм шинжилгээний хурал, чуулга уулзалт, сургалт-семинар, тэмцээн уралдааныг зохион байгуулах
Холбооны гишүүдийг мэргэжил, мэдлэгээ дээшлүүлэн дотоод, гадаад оронд сурч ажиллахад дэмжлэг үзүүлэх
- Үйл ажиллагааныхаа чиглэлээр төрийн ба төрийн бус байгууллагууд, хувь хүмүүстэй үндэсний болон олон улсын хамтарсан төсөл хэрэгжүүлэх, тэднээс санхүүгийн болон мэдээлэл, мэргэжлийн туслалцаа, дэмжлэг, хандив, тусламж авах
- Орон нутагт. Холбооны салбаруудыг байгуулж, тэдгээрийг удирдлага, зохион байгуулалтаар хангаж, шаардлагатай үед зохих журмыг үндэслэн дэмжлэг үзүүлэх
- Шилдэг судлаач, залуу эрдэмтэн, холбооны гишүүдийн амжилт, авъяас билэг, хөдөлмөр зүтгэлийг үнэлэн өөрийн холбооны шагналаар шагнах, төр засаг болон бусад байгууллагын шагналд нэр дэвшүүлэн тодорхойлох
- Холбооны үйл ажиллагааг хэвлэл мэдээллийн хэрэгслээр сурталчлах
- Холбоог хөгжүүлэхтэй холбогдолтой төрөл бүрийн төсөл санаачлах болон дэмжин хэрэгжүүлэх

Бүтэц, зохион байгуулалт, удирдлага

УДИРДАХ ЗӨВЛӨЛИЙН АЛБАДУУД

Хүний нөөцийн албаны үйл ажиллагааны чиглэл:
Холбооны дүрэм, дүрмийн биелэлтl
Холбооны бүтэц, зохион байгуулалт
Гишүүнчлэлийн асуудал, шинээр гишүүн элсүүлэх, гишүүнээс түдгэлзүүлэх
Гишүүний ёс зүй
Гишүүдээс гаргасан санал, гомдлыг хүлээн авч шийдвэрлэх, удирдах зөвлөлд уламжлах

Мэдээлэл сурталчилгаа, олон нийттэй харилцах албаны үйл ажиллагааны чиглэл:
Холбооны зорилго, үйл ажиллагааг олон нийтэд хүргэх
Гишүүдийнхээ судалгааны ажлыг олон нийтэд хүргэх
Шилдэг судлаачдыг танилцуулах
Төрийн ба төрийн бус байгууллагууд болон олон улсын байгууллагуудтай холбоо тогтоон, хамтран ажиллах, уулзалт ярилцлага зохион байгуулах
Ивээн тэтгэгч байгууллагуудтай холбоо тогтоох, үйл ажиллагааны хөтөлбөр тогтоох

Эрдэм шинжилгээ, судалгааны албаны үйл ажиллагааны чиглэл:
Лекц, семинар, эрдэм шинжилгээний хурал зохион байгуулах;

Гадаад харилцааны албаны үйл ажиллагааны чиглэл:
Ижил төстэй үйл ажиллагаа явуулдаг гадны байгууллагуудтай холбоо тогтоох;
Гишүүдийнхээ гадаад хэлний мэдлэгийг дээшлүүлэх ажлуудыг зохион явуулах;
Сургалт семинар зохион байгуулах, гадны сургалтын талаарх мэдээллээр гишүүдийг хангах, зуучлах;
Гадаадын төсөл хөтөлбөр, байгууллагуудтай хамтран ажиллах;

ХЯНАЛТЫН ЗӨВЛӨЛ

Үйл ажиллагааны чиглэл:
Холбооны дүрмийн хэрэгжилт болон байнгын үйл ажиллагаанд хяналт тавих;
Удирдах зөвлөлийн хуралд зөвлөх эрхтэйгээр оролцох, шийдвэрүүдтэй нь танилцах, дансыг шалгах, санхүүгийн холбогдолтой мэдээлэл гаргуулж авах;
Шийдвэрийнхээ тухай Холбооны Их хурал, Удирдах зөвлөлийн хуралд илтгэл тавих буюу мэдэгдэл, мэдээлэл хийх

Монголын Залуу Эрдэмтдийн Холбоо

Шинжлэх ухаан, дээд боловсролын салбарын залуучуудын үзэл бодол, үйл ажиллагааг нэгтгэх зорилгоор ШУА-ийн эрдэм шинжилгээний ажилтан залуучуудын байгуулсан “Монголын Эрдэм Шинжилгээний Ажилтан Залуучуудын Холбоо”, Эрүүл мэндийн шинжлэх ухааны их сургуулийн багш судлаачдын “Анагаахын Залуу Судлаачдын Холбоо” зэрэг хэд хэд төрийн бус байгууллагууд өөрийн зорилго, үзэл санаагаа нэгтгэн Монголд болон гадаадад эрдэм шинжилгээний ажил эрхэлж буй Монгол улсын иргэн залуу судлаач, эрдэмтдэд бүх талын дэмжлэг үзүүлэх, тэдгээрийн эрх ашгийг хамгаалах, гадаад орнуудын залуу эрдэмтэдтэй хамтран ажиллах, гадаадад болон дотооддоо мэдлэгээ дээшлүүлэн сурч, ажиллах боломж олгох нөхцлийг бүрдүүлэхэд туслалцаа үзүүлэх зорилго бүхий “Монголын Залуу Эрдэмтдийн Холбоотөрийн бус байгууллагыг 2004 оны 04 сарын 22-ны өдөр үүсгэн байгуулсан бөгөөд 2004 оны 10 сарын 25-ны өдрийн Хууль Зүй Дотоод Хэргийн Сайдын 206 дугаар тушаалаар Улсын бүртгэлд бүртгэгдсэн.

Холбооны бүтэц, зохион байгуулалт
Өнөөдрийн байдлаар шинжлэх ухаан, боловсролын салбарт ажиллаж байгаа 1000 гаруй залуу судлаачид МЗЭХ-д гишүүнээр элсээд байгаа бөгөөд шинжлэх ухаан дээд боловсролын салбарт ажиллаж байгаа бүтээлч, шинэлэг санаатай бүх судлаачдад манай холбооны хаалга байнга

Холбоо нь шинжлэх ухааны үндсэн чиглэлийг хамарсан дараахь 6 салбар холбоодтой.

Эрүүл мэндийн шинжлэх ухааны салбар

Байгалийн ухааны салбар
Хөдөө аж ахуй, биотехнологийн салбар
Геологи, газар зүйн ухааны салбар
Нийгмийн ухааны салбар
Техник, технологийн ухааны салбар
Холбоо нь дараах ажлыг зохион байгуулж ирсэн. Үүнд:

  1. Монголын Залуу Эрдэмтдийн Анхдугаар Чуулга Уулзалтыг 2001 оны 11 сард, Монголын Залуу Эрдэмтдийн II Чуулга Уулзалтыг 2004 оны 6 сард Улаанбаатар хотноо зохион байгуулсан бөгөөд тус чуулга уулзалтад шинжлэх ухаан, дээд боловсролын салбар, болон бизнесийн салбарын төлөөлөл 300 гаруй төлөөлөгч оролцсоны зэрэгцээ Монгол улсын Ерөнхий сайд (одоогийн ерөнхийлөгч) Н.Энхбаяр, УИХ-ийн гишүүн Н.Баяртсайхан, Б.Чадраа, ШУА-ийн дэд ерөнхийлөгч Н.Эрдэнэсүрэн, Т.Галбаатар нар оролцож чуулганы үйл ажиллагаанд өндөр ач холбогдол өгсөн юм.
  2. Шинжлэх ухааны голлох чиглэлүүдээр залуу эрдэмтдийн бүтээлийг нийтийн хүртээл болгож, үйлдвэрлэлд нэвтрүүлэх, шинжлэх ухаан үйлдвэрлэлийн холбоог бэхжүүлэх зорилгоор “Хүрэл тогоотын семинар” эрдэм шинжилгээний бага хурлыг 6 салбар бүрээрээ уламжлал болгон зохион байгуулж тогтмолжуулаад байгаа бөгөөд , семинарт тавигдсан илтгэлүүдийн хураангуйг хэвлэн гаргаж байна.
  3. МЗЭХ-ний идэвхитэй үйл ажиллагааны үрээр монгол улсад эрдэм шинжилгээ, судалгааны ажил эрхлэж буй залуу судлаачдыг дэмжих зорилготой, Боловсрол Соёл Шинжлэх Ухааны Сайдын нэрэмжит “Залуу Эрдэмтэн шинжилгээний ажилтуудыг дэмжих грант”-ыг бий болгон 2005 оноос гардуулж эхлээд байгаа бөгөөд 35 –аас доош насны 40 гаруй залуу судлаачдад энэхүү грантыг олгоод байна.
  4. Эрдэм шинжилгээний ажилтан залуучуудын чөлөөт цагийг зөв боловсон бүтээлчээр өнгөрөөхийн тулд “Цэцээ Гүн – Эрдэмтэн Залуучууд” уриан доор спорт явган аялалыг зохион байгуулж тогтмолжуулаад байгаа бөгөөд энэ аялалын хүрээнд Богд Хан уулын ноён Оргил Цэцээ гүний орчмын хогийн цэвэрлэж байгаль орчноо эрүүлжүүлэх ажлыг байнга хийж байна.
  5. Гишүүдийнхээ дунд эрдэм шинжилгээний ажилтны өдрийг угтан МЗЭХ-ны шилжин явах цомын аварга шалгаруулах спорт тэмцээнийг уламжлал болгон явуулж байна.
  6. Эрдэм шинжилгээний залуу халааг дэмжих зорилгоор Инженерийн боловсролыг дэмжих сангийн “Ньютоны нэрэмжит шагналтан” оюутны эрдэм шинжилгээний ажил шалгаруулах ажилд идэвхи санаачлага гарган ажиллаж байгаа бөгөөд МЗЭХ нь өөрийн нэрэмжит тусгай шагнал бий болгож оюутны шилдэг эрдэм шинжилгээний ажлуудад олгож эхлээд байна.
  7. МЗЭХ байгуулагдсанаас хойш эрдэм шинжилгээ, боловсролын байгууллагуудад ажиллаж байгаа залуу ажилтнууд өөрийн судалгаанй ажлын үр дүнгээ харилцан солилцох, хамтран ажиллах боломж улам ихэсч байгаа бөгөөд шинжлэх ухааны салбар хоорондын уялдаа холбоо нэн шаардлагатай байгаа өнөө үед энэ нь тус холбооны хийж байгаа хамгийн үр ашигтай, өгөөжтэй ажлын нэг болж байгаа юм.

Гадаа харилцаа
МЗЭХ-ийн өөрийн орны дотор төдийгүй гадаадад эрдэм шинжилгээний ажил хйиж буй залуучуудын дунд үйл ажиллагаагаа идэвхитэй явуулж байгаа бөгөөд одоогийн байдлаар БНСУ-д сурч ажиллаж байгаа залуу судлаачдын санаачлагаар МЗЭХ-ийн БНСУ дахь салбарыг үүсгэн байгуулж үйл ажиллагааг явуулж байна.

Мөн түүнчлэн ОХУ, БНГАУ, БНХАУ, Япон зэрэг орнуудад сурч ажиллаж байгаа залуу судлаачид, оюутнуудад өөрийн холбооны үйл ажиллагаагаа таниулж эдгээр орнуудад өөрийн холбооны салбараа байгуулахаар зэхэж байна.

МЗЭХ-ны төлөөлөгчид нь 2004 оны 12 сард Марокко Улсад болсон Дэлхийн Залуу Эрдэмтдийн Академийн Анхдугаар Хуралдаанд амжилттай оролцоод ирсэн. Тус Холбооны ерөнхийлөгч З. Батсүх нь Дэлхийн Залуу Эрдэмтдийн Академийн Удирдах Зөвлөлийн Азийг төлөөлсөн гишүүнээр сонгогдсон юм.

Мөн МЗЭХ нь Дэлхийн Залуу Эрдэмтдийн Академийн гишүүн байгууллага болсон юм.

МЗЭХ-ны удирдах зөвлөлийн гишүүд

  1. МЗЭХ-ны тэргүүн – З.Батсүх
  2. Байгалийн ухааны салбарын ерөнхийлөгч Б.Авид
  3. Анагаах ухааны салбарын ерөнхийлөгч - Б.Ганбат
  4. Биологи, хөдөө аж ахуйн ухааны салбарын ерөнхийлөгч - З. Батсүх
  5. Геологи, газар зүйн ухааны салбарын ерөнхийлөгч - Б.Батбуян
  6. Нийгмийн ухааны салбарын ерөнхийлөгч - Х.Сүглэгмаа
  7. Техник, технологийн ухааны салбарын ерөнхийлөгч - Т.Намнан
  8. МЗЭХ-ны гүйцэтгэх захирал – Д.Одгэрэл

2008/12/03

Байгалийн Ухааны Салбарын Залуу Эрдэмтдийн Холбооны ээлжит хуралтай холбоотой мэдээлэл

Байгалийн Ухааны Салбарын Залуу Эрдэмтдийн Холбооны Удирдах зөвлөлийн ээлжит хурал 2008-12-03 нд боллоо. Уг хурлаар хэлэлцсэн асуудлууд, өгөгдсөн үүрэг даалгавруудын талаарх мэдээллийг хүргэж байна.

  • БУСЗЭХ-нд Эрдэм шинжилгээ, судалгааны алба байгуулахтай холбогдуулан нягт нямбай, хариуцлагатай, тал бүрийн мэдлэгтэй, энэ чиглэлээр ажиллах чадвартай залуусыг судлан, өөрийн санал болгох хүний талаарх мэдээлэлийг илгээнэ үү. Эрдэм шинжилгээ, судалгааны алба нь 2-3 хүний бүрэлдэхүүнтэй байна.
  • Гүйцэтгэх захирлын дэргэдэх ажлын алба байгуулагдахтай холбогдуулан аливаа ажилд идэвх санаачлагатай ханддаг, хариуцлагатай, холбооны үйл ажиллагааны залгамж хойч үе болохуйц залуучуудыг санал болгоно уу? Таны санал болгох хүмүүс аль болох өөр өөр эрдэм шинжилгээний төв, их дээд сургуулиуд ажилладаг байх хэрэгтэйг анхаарна уу.
  • ГХА, МСОНХА, ХНА-ууд 2008 оны 12-р сарын 04 ний дотор ажлын тайлангаа гүйцэтгэх захирал руу явуулах
  • Хяналтын зөвлөл “Хяналтын зөвлөлийн ажиллах журам”-тай холбоотой хийх ажлын төлөвлөгөөгөө дараагийн БУСЗЭХ-ны УЗ-ийн хурал дээр танилцуулах
  • Л. Энхсүх “Залуусаас залууст” цуврал семинарт оролцох илтгэлийн сэдвээ ГХА-нд явуулах
  • ГХА “Залуусаас залууст” семинарын зарыг гарган УЗ-ийн болон ХЗ-ийн гишүүд рүү явуулах
  • ГХА-ны гишүүн Ж. Жаргалмааг өөрийн хүсэлтээр үүрэгт ажлаас нь чөлөөлсөн тушаал гаргах: Хариуцах хүн-Гүйцэтгэх захирал
  • БУСЗЭХ-ны гишүүдийн судалгааны ажлын сэдвийн жагсаалтыг Д. Одгэрэл МСОНХА-нд гарган өгөхХүний нөөцийн албаны гишүүн О. Жамъян дараах асуудлуудын хэрэгжилтийн талаар тайлан тавина. Үүнд:
  • <Танилцуулганы англи хувилбар
  • <Гишүүдийн нэрийн хуудасны загвар
  • <АПУ ХХК-д хүргэсэн албан бичиг
  • Нарийн бичгийн дарга гишүүдэд явуулах мэндчилгээний загвар гаргах
  • Д. Одгэрэл “Монгол Улсын Боловсрол Соёл Шинжлэх Ухааны Яам”-ны сайдтай уулзах цаг товлох
  • БУСЗЭХ-ны 2008 оны Шинэ жилийн баярыг тэмдэглэн өнгөрүүлэх ажлын хэсэг /П. Ганхуяг, Л. Мандахсайхан, О. Жамъян, Н. Лхагважав нар/ шинэ жилийн баярыг хаана (санал болгож буй газруудын танилцуулга), хэзээ тэмдэглэх, хэдэн төгрөгийн зардал гарах зэргийг судлах, мөн шинэ жилийн хөтөлбөр боловсруулах
  • УЗ-ийн болон ХЗ-ийн гишүүд өөр өөрсдийн албан газрынхаа шинэ жилийн баяр хаана, хэзээ болохыг яаралтай мэдэгдэх
  • Цуврал лекц зохион байгуулах (жишээ нь: нанотехнологи, биотехнологи, инноваци, шинжлэх ухааны тандалт, гадаадад хэрхэн суралцах вэ?..... гэх мэт асуудлуудаар Монголд тухайн салбартаа алдартай хүмүүсийг урьж ярилцлага хийн улмаар өөрсдийн мэдлэгийн хүрээгээ тэлэхээс гадна залуучуудыг өргөн хүрээтэйгээр энэ лекцэндээ хамруулан оролцуулах, ингэснээр БУСЗЭХ-ны талаарх мэдээлэлийг олонд таниулах боломжтой юм.) Цуврал лекцэнд санал болгох нэрсээ яаралтай явуулна уу?
  • Цуврал нэвтрүүлэг зохион байгуулах (Залуу судлаачдын ажлыг олон нийтэд сурталчилж, тэдэнд дэмжлэг үзүүлэх зорилготой.)
  • Цуврал нэвтрүүлэгт санал болгох нэрсээ яаралтай явуулна уу?
  • Ярилцах сэдэв санал болгоно уу.

Дараагийн долоо хоногоос БУСЗЭХ-ны ээлжит бус хурал зарлагдаж болзошгүйг анхаарна уу.

2008/12/01

Гишүүдийн судалгааны ажлууд

Байгалийн Ухааны Салбарын Залуу Эрдэмтдийн Холбооны жинхэнэ гишүүдийн эрдэм шинжилгээ, судалгааны ажлуудыг хүргэж байна. Дэлгэрэнгүй мэдээллийг naturescience2008@yahoogroups.com хаягаар болон сонирхож буй судалгааны ажлыг хийж буй гишүүний хаягаар харьцаж авна уу. Танд амжилт хүсье.

Татаж авах холбоос дээр дарж МедиаФайр сайтаас аваарай
Татаж авах

БУСЗЭХ-ны 2008-11-19 ны өдрийн ээлжит хуралтай холбоотой мэдээлэл

Хэлэлцсэн асуудлууд:


1. Цуврал лекц зохион байгуулах (жишээ нь: нанотехнологи, биотехнологи, инноваци, шинжлэх ухааны тандалт, гадаадад хэрхэн суралцах вэ?..... гэх мэт асуудлуудаар Монголд тухайн салбартаа алдартай хүмүүсийг урьж ярилцлага хийн улмаар өөрсдийн мэдлэгийн хүрээгээ тэлэхээс гадна залуучуудыг өргөн хүрээтэйгээр энэ лекцэндээ хамруулан оролцуулах, ингэснээр БУСЗЭХ-ны талаарх мэдээлэлийг олонд таниулах боломжтой юм.)
 Цуврал лекцэнд санал болгох нэрсээ яаралтай явуулна уу?
2. Цуврал нэвтрүүлэг зохион байгуулах (Залуу судлаачдын ажлыг олон нийтэд сурталчилж, тэдэнд дэмжлэг үзүүлэх зорилготой.)
 Цуврал нэвтрүүлэгт санал болгох нэрсээ яаралтай явуулна уу?
 Ярилцах сэдэв санал болгоно уу.
3. Бид үйл ажиллагаагаа олон нийтэд танилцуулахын тулд Эрдэм Шинжилгээний Төв, Их, Дээд Сургуулиуд, Үйлдвэр Аж Ахуй нэгжүүдээс эхэлнэ. Ингэхдээ 1-рт ШУА, Биологийн Хүрээлэн дээр дараагийн 7 хоногт (өдөр тодорхойгүй) БУСЗЭХ-ны үйл ажиллагааны танилцуулгыг очиж хийнэ. Иймд БУСЗЭХ-ны УЗ-ийн болон ХЗ-ийн гишүүд, ажлын албадын дарга нар холбогдох материалаа бэлтгэн бэлэн байна уу.

4. Дараагийн хурал (ээлжит эсвэл ээлжит бус) дээр хийгдсэн байх ажлууд:
 ХН-ийн ажлын албаны дарга Д. Одгэрэл БУСЗЭХ-ны гишүүнчлэлд хамрагдсан гишүүдийн анкетийг авчрах эсвэл тодорхой чиглэлийн шилдэг залуу судлаач (Биологийн идэвхт хүнсний нэмэлт, агаарын бохирдолт, эмийн ургамал, нанотехнологи, биотехнологи ба бусад салбарын шилдэг залуу судлаачид)-ын нэрсийг авчрах.
 ХН-ийн ажлын албаны дарга Д. Одгэрэл Эрдэм шинжилгээний байгууллага, Их, дээд сургуулиуд, компаниуд руу БУСЗЭХ-ны үйл ажиллагааны талаар танилцуулах албан бичгийн төслөө бэлэн болгох
 О. Жамъян АПУ ХХК-н Хүний нөөцийн газарт хандсан албан бичгээ тамгалуулан тус компанид аваачиж өгөх.
 Ц. Цэдэндорж, М. Лувсанпэрэнлэй нар TV9 телевизэд хандсан албан бичгээ тамгалуулан тус телевиз рүү явуулах.
 Д. Лхагвасүрэн Веб сайт байрлуулах үнийг судлан мэдэж ирэх.
 Гүйцэтгэх захирал Л. Энхсүх ТББ-ын танилцуулгыг ажлын албадуудад өгөх.
 ХЗ-ийн ажлын албаны дарга Д. Лхагвасүрэн ХЗ-ийн гишүүдийн хурлыг зохион байгуулж үйл ажиллагааны журмаа хэлэлцэж батлах, төслөө авчрах.

5. БУСЗЭХ-ны УЗ-ийн болон ХЗ-ийн гишүүд та бүхэн ХНА-нд цаашид юу хийх талаар саналаа өгнө үү.

БУСЗЭХ-ны Гүйцэтгэх захиралын ажлын албадууд болон бусад нэр бүхий УЗ-ийн болон ХЗ-ийн гишүүдэд сануулах нь:
 ГХА үүрэгт ажлаа ээлжит хурал дээр танилцуулаагүй.
 МСОНХА-ны календарчилсан төлөвлөгөөний дагуу ажил дутуу байсан.
 ХЗ ажлаа танилцуулах, үйл ажиллагаагаа эрчимжүүлэх, журмаа батлах.
 Хурлаас албан ёсоор чөлөө аваагүй тасалсан нэр бүхий УЗ-ийн болон ХЗ-ийн гишүүд!

2008/11/13

Hureltogootiin seminar 2008



Байгалийн Ухааны Салбарын Залуу Эрдэмтдийн Холбооны
“Хүрэлтогоотын семинар-2008” Эрдэм Шинжилгээний Бага Хурал

БСШУЯ, ШУА, ШУТС, МЗЭХ, БУСЗЭХ-оос жил бүр уламжлал болгон зохион явуулдаг “Хүрэлтогоотын семинар-2008” Эрдам Шинжилгээний Бага Хурал дөрөв дэхь жилдээ амжилттай зохион явагдаж өндрөллөө.
Энэ хурлын зорилго нь залуу судлаачид мэдлэг мэдээллээ солилцох, тэдний хийж буй ажлыг олон нийтэд таниулах болон цаашлаад уг бүтээлийг нь үйлдвэр, практикт нэвтрүүлэх боломжийг эрж хайх явдал юм.
Байгалийн Ухааны Салбарын Залуу Эрдэмтдийин Холбооны гүйцэтгэх захирал Л. Энхсүх хуралд оролцогч залуу судлаачиддаа амжилт хүсээд хурлыг нээж үг хэлсэн.
Хурлын хүндэт зочидоор Монгол Улсын Цөмийн Энергийн Комиссын дэд дарга, Технологи Дамжуулах Төвийн Захирал, Монголын Залуу Эрдэмтдийн Холбооны ерөнхий зөвлөх, Доктор (Sc.D) С. Энхбат, Монголын Залуу Эрдэмтдийн Холбооны гүйцэтгэх захирал, Доктор (Ph.D) Д. Одгэрэл, Анагаах Ухааны Салбарын Залуу Эрдэмтдийн Холбооны тэргүүн Н. Эрдэмбилэг нар хүрэлцэн ирж өөрийн санаа бодол, хурлын цар хүрээ, ач холбогдолын талаар залуу судлаачдад үнэтэй зөвөлгөө өгсөн юм.
Уг эрдэм шинжилгээний бага хурлыг шүүн явуулсан шүүгчидийн бүрэлдэхүүнд Монгол улсын урдаа барьдаг шилдэг эрдэмтэд болох ХХТХ-ийн захирал, Шинжлэх Ухааны Доктор (Sc.D) Б. Пүрэвсүрэн, ФТХ-ийн захирал, Шинжлэх Ухааны Доктор (Sc.D) Д. Сангаа, МУИС-ийн Биологийн Факультетийн Биофизикийн Тэнхимийн багш, Доктор (Ph.D) П. Энхбаяр, Одон Орон Геофизикийн Судалгааны Төвийн ЭША, Доктор (Ph.D) Н. Тунгалаг нарын бүрэлдэхүүнтэйгээр хурлын явцад бүтээлүүдийг шүүн хэлэлцлээ.
Тус хуралд Хими, Хими-Технологийн Хүрээлэн, Физик Технологийн Хүрээлэн, Одон Орон Геофизикийн Судалгааны Төв, Биологийн Хүрээлэн, Нийгмийн Эрүүл Мэндийн Хүрээлэн, Монгол Улсын Их Сургууль, Монос Дээд Сургууль, АПУ гэх мэт 20 гаруй байгууллагын шилдэг 40 орчим бүтээл оролцсон.
Үүнээс 16 аман илтгэл, 22 ханын илтгэл тус тус оролцсоноос Физик Технологийн Хүрээлэнгийн залуу эрдэм шинжилгээний ажилтан М. Довчиванчиг “A study of nanostructured membrane electrode assembly for pem fuel cell” бүтээлээр, Хими-Технологийн Хүрээлэнгийн залуу эрдэм шинжилгээний ажилтан Ж. Жаргалмаа “Isolation and characterization of phosphopeptides in pancreatic digests of bovine casein” бүтээлээр Боловсрол Соёл Шинжлэх Ухааны Сайдын Нэрэмжит Грантад тус тус нэр дэвшлээ. Мөн шилдэг ханын илтгэлээр Монгол Улсын Их Сургуулийн Залуу ЭША Э. Цэцэгмаа “Screening of some Mongolian medicinal plants for anti-lipase activity” бүтээлээрээ шалгарлаа.
“Хүрэлтогоотын семинар-2008” Эрдам Шинжилгээний Бага Хуралд энэ жил урьд жилүүдийнхээс оролцогч байгууллага, судлаачдын тоо, тэдгээрийн бүтээлийн чанар өндөр түвшинд хүрсэн нь танилцуулсан илтгэлүүдээс харагдаж байлаа.
Бага хурлын төгсгөлд залуу эрдэмтэн, судлаачидад хандаж БУСЗЭХ-ны гүйцэтгэх захирал Л. Энхсүх болон удирдах зөвлөлийн гишүүд, холбооныхоо үйл ажиллагаа, зорилго, ойрын хугацаанд хийж гүйцэтгэх ажлуудын талаар мэдээлэл хийж, санал бодлоо солилцолоо.

Гишүүн элсүүлэх журам

Байгалийн Ухааны Салбарын Залуу
Эрдэмтдийн Холбооны 2008-10-07ны
өдрийн хурлаар хэлэлцэж батлав


БАЙГАЛИЙН УХААНЫ САЛБАРЫН ЗАЛУУ ЭРДЭМТДИЙН
ХОЛБООНД ГИШҮҮН ЭЛСҮҮЛЭХ ЖУРАМ

Нэг. Нийтлэг үндэслэл

1.1. Байгалийн Ухааны Салбарын Залуу Эрдэмтдийн Холбоо /цаашид Холбоо гэх/-ны гишүүн элсүүлэх журмын зорилго нь Монгол Улсын Төрийн бус байгууллагын тухай хууль, Монголын Залуу Эрдэмтдийн Холбоо болон БУСЗЭХолбооны дүрэм-ийн хүрээнд гишүүн элсүүлэх, гишүүд болон Холбооны хоорондын харилцааг зохицуулахад оршино.

1.2. Журмыг хэрэгжүүлэхтэй холбогдсон асуудлыг Удирдах зөвлөлийн Хүний нөөцийн алба эрх хэмжээнийхээ дагуу шийдвэрлэнэ.

1.3. Холбооны нийт гишүүд энэхүү журмыг дагаж мөрдөнө.
Хоёр. Гишүүнчлэлийн төрөл

2.1. Гишүүн нь хүндэт гишүүн, жинхэнэ гишүүн, дэмжигч гишүүн гэсэн гурван ангиллын аль нэгэнд харъяалагдана.

2.2. Хүндэт гишүүн
2.2.1. Холбооноос хүндэт гишүүнээр өргөмжлөгдсөн хүмүүсийг хүндэт гишүүн гэнэ.
2.2.2. Хүндэт гишүүн нь татвар төлөхгүй.

2.3. Жинхэнэ гишүүн
2.3.1. Холбооны дүрмийг хүлээн зөвшөөрч, түүний үйл ажиллагаанд оролцож, татвараа зохих журмын дагуу төлдөг 35 хүртэлх насны иргэн, хуулийн этгээдийг жинхэнэ гишүүн гэнэ.
2.3.2. Жинхэнэ гишүүн нь Холбооны үйл ажиллагаанд идэвх зүтгэл, санаачлагатай оролцоно.
2.3.3. Жинхэнэ гишүүн нь өөрийн эрх, эрх үүргийг мэддэг, хамгаалдаг, хүлээсэн үүргээ биелүүлдэг, нийгэмд эзлэх байр сууриа зөв мэдрэн өөрийгөө хөгжүүлж, бусдад үлгэр жишээч байна.
2.3.4. Холбооны жинхэнэ гишүүний үйл ажиллагааг хамтдаа хийсэн тэмцэл, идэвхтэй оролцоо, хүрсэн бодит үр дүнгээр хэмжинэ.
2.3.5. Жинхэнэ гишүүд Удирдах зөвлөлийн хуралд таслах эрхгүйгээр оролцож болно.

2.4. Дэмжигч гишүүн.
2.4.1. Холбооны үйл ажиллагаанд санхүүгийн болон бусад хэлбэрээр туслалцаа үзүүлж байгаа иргэд, хуулийн этгээдийг дэмжигч гишүүн гэнэ.
2.4.2. Холбооны дүрмийг хүлээн зөвшөөрсөн хүн бүр Холбооны дэмжигч гишүүн байж болно.
2.4.3. Дэмжигч гишүүн нь Холбооны үйл ажиллагаанд идэвхтэй оролцоно.
2.4.4. Дэмжигч гишүүн нь татвар төлөхгүй.
2.4.5. Дэмжигч гишүүн нь сайн дураараа төсөл санаачлах үйл ажиллагаанд оролцож болно.
Гурав. Гишүүн элсүүлэх

3.1. Холбоо нь зөвлөгөө туслалцаа хүссэн хэн бүхэнд дэмжлэг үзүүлж чаддаг, хамт олныг бүрдүүлэх, үнэ цэнэтэй мэдлэгийг түгээх зэрэг хамтын ажиллагааг төлөвшүүлж чаддаг, дээрх үйл ажиллагаанд өөрөө оролцох хүсэл тэмүүлэлтэй хэнд ч нээлттэй байна.

3.2. Холбоо нь шинээр гишүүн элсүүлэхдээ тэгш эрхт байдлыг эрхэмлэх ба арьс өнгө, нас, хүйс, тахир дутуу байдал, бэлгийн чиг хандлага, шашин шүтлэг, улс төрийн үзэл бодлоор нь иргэдийг ялгаварлан гадуурхахгүй.

3.3. Холбоонд гишүүнээр элсэхийг хүссэн иргэн дараах бичиг баримт бүрдүүлнэ.
3.3.1. Хүсэлт гаргасан хувийн өргөдөл
3.3.2. Гишүүний анкет /Хавсралт 1/
3.3.3. 2 хувь зураг цээж зураг /3х4/

3.4. Холбоонд шинээр гишүүнээр элсэхийг хүсэгчид нь гишүүний анкетыг үнэн зөв бөглөх үүрэгтэй.

3.5. Гишүүнээр элсэхээр хүсэлт гаргасан иргэнийг Хүний нөөцийн алба судалж, Удирдах зөвлөлд танилцуулан, асуудлыг шийдвэрлэнэ.

3.6. Холбоонд шинээр элссэн гишүүнд элссэн өдрөөс үнэмлэх олгоно.

3.7. Шинээр элссэн гишүүнд хүний нөөцийн асуудал хариуцсан Удирдах зөвлөлийн гишүүн Холбооны дүрэм, гишүүний эрх, үүрэг зэргийг танилцуулж судлуулна.

3.8. Холбооны гишүүний өөр байгууллагад нэгдэн орох эрх нээлттэй байна.

-оо0оо-

Байгалийн Ухааны Салбарын Залуу Эрдэмтдийн Холбооны Дүрэм

Байгалийн Ухааны Салбарын Залуу
Эрдэмтдийн Холбооны 2008-09-16ны
өдрийн хурлаар хэлэлцэж батлав.

БАЙГАЛИЙН УХААНЫ САЛБАРЫН ЗАЛУУ ЭРДЭМТДИЙН
ХОЛБООНЫ ДҮРЭМ


Нэгдүгээр бүлэг. Ерөнхий зүйл
1. 1 дүгээр зүйл. Дүрмийн зорилго
1.1.1. Энэхүү дүрэм нь Байгалийн Ухааны Салбарын Залуу Эрдэмтдийн Холбоо /цаашид “Холбоо” гэнэ/-ны бүрэн эрх, үйл ажиллагааны чиглэл, түүний тогтолцоо, зохион байгуулалтын хэлбэрийг тодорхойлох, холбоо болон гишүүд, бусад этгээдийн хооронд үүсэх харилцааг зохицуулна.
1.2 дугаар зүйл. Холбооны тухай ойлголт
1.2.1. Байгалийн Ухааны Салбарын Залуу Эрдэмтдийн холбоо нь Монголын Залуу Эрдэмтдийн Холбооны салбар холбоо мөн.
1.2.2. Байгалийн Ухааны Салбарын Залуу Эрдэмтдийн холбоо нь Монгол Улсын үндсэн хууль, Төрийн бус байгууллагын тухай хууль, холбогдох бусад хууль тогтоомж, Монголын Залуу Эрдэмтдийн Холбооны дүрэм болон энэхүү дүрмийг үйл ажиллагаандаа мөрдлөг болгодог залуу эрдэмтэн судлаач, багш, оюутан, дэмжигчдийг эгнээндээ нэгтгэсэн гишүүнчлэлтэй, нийгэмд үйлчилдэг төрийн бус байгууллага мөн.
1.2.3. Холбоо нь Монгол улсын хууль, тогтоомжийн хүрээнд гэрээ, хэлцэл хийх, гадаад харилцааг бие даан явуулах, залуу эрдэмтэн судлаач, холбооны гишүүдийн эрх, хууль ёсны ашиг сонирхлыг хамгаалах, тэднийг бүрэн эрхтэйгээр төлөөлөх эрхтэй.
1.2.4. Холбооны албан ёсны нэрийг “Байгалийн Ухааны Салбарын Залуу Эрдэмтдийн Холбоо гэх ба товчлол нь БУСЗЭХ байна.
1.2.5. Холбоо нь “Баянзүрх дүүрэг, Энхтайвны өргөн чөлөө 54б. Улаанбаатар-51, Монгол улс. Хими, хими технологийн хүрээлэн I-209 тоот” гэсэн хаягтай байна.
Факс: 976-11-453133 Е-mail: sec.amys.ns@gmail.com
1.2.6. Холбооны албан ёсоор үүсгэн байгуулагдсан өдрийг 2005 оны 03 дугаар сарын 17-ны өдрөөр тооцно.
1.2.7. Холбоо нь өөрийн бэлэгдэл, албан бичгийн хэвлэмэл хуудас, тамга тэмдэг, далбаа, харилцах данстай байна.
1.2.8. Холбоо нь гадаадад болон орон нутагт өөрийн салбартай байж болно.
1.2.9. Холбоо нь удирдах дээд байгууллагаа сонгох болон аливаа асуудлыг шийдвэрлэхдээ шударга, ил тод, ардчилсан зарчмыг баримтлана.
1. 3 дугаар зүйл. Холбооны үйл ажиллагааны үндсэн чиглэл
1.3.1. Холбооны эрхэм зорилго нь “Шинжлэх ухааныг бодитойгоор хөгжүүлэх, шинэ технологийг нэвтрүүлэх, залуу эрдэмтэн судлаачдыг дэмжих, бэлтгэх, Монгол Улсын хөгжилд оруулах залуу эрдэмтэн судлаачдын оролцоог нэмэгдүүлэх”-д оршино.
1.3.2. Холбоо нь дараах үйл ажиллагааг хэрэгжүүлнэ
 Судлаач, эрдэмтэн залуучуудын ажлыг дэмжин, туршлага солилцуулах, үндэсний болон олон улсын эрдэм шинжилгээний хурал, чуулга уулзалт, сургалт-семинар, тэмцээн уралдааныг зохион байгуулах
 Холбооны гишүүдийг мэргэжил, мэдлэгээ дээшлүүлэн дотоод, гадаад оронд сурч ажиллахад дэмжлэг үзүүлэх
 Үйл ажиллагааныхаа чиглэлээр төрийн ба төрийн бус байгууллагууд, хувь хүмүүстэй үндэсний болон олон улсын хамтарсан төсөл хэрэгжүүлэх, тэднээс санхүүгийн болон мэдээлэл, мэргэжлийн туслалцаа, дэмжлэг, хандив, тусламж авах
 Орон нутагт Холбооны салбаруудыг байгуулж, тэдгээрийг удирдлага, зохион байгуулалтаар хангаж, шаардлагатай үед зохих журмыг үндэслэн дэмжлэг үзүүлэх
 Шилдэг судлаач, залуу эрдэмтэн, холбооны гишүүдийн амжилт, авъяас билэг, хөдөлмөр зүтгэлийг үнэлэн өөрийн холбооны шагналаар шагнах, төр засаг болон бусад байгууллагын шагналд нэр дэвшүүлэн тодорхойлох
 Холбооны үйл ажиллагааг хэвлэл мэдээллийн хэрэгслээр сурталчлах
 Холбоог хөгжүүлэхтэй холбогдолтой төрөл бүрийн төсөл санаачлах болон дэмжин хэрэгжүүлэх
Хоёрдугаар бүлэг. Гишүүнчлэл
2. 1 дүгээр зүйл. Холбооны гишүүнчлэл
2.1.1. Холбооны дүрмийг хүлээн зөвшөөрч түүний үйл ажиллагаанд оролцож, татвараа зохих журмын дагуу төлдөг иргэн, хуулийн этгээдийг Байгалийн Ухааны Салбарын Залуу Эрдэмтдийн Холбооны гишүүн гэнэ.
2.1.2. Гишүүн нь хүндэт гишүүн, жинхэнэ гишүүн, дэмжигч гишүүн гэсэн гурван ангиллын аль нэгэнд харъяалагдана.
2.1.3. Холбооны гишүүнийг Удирдах зөвлөлөөс баталсан журмын дагуу элсүүлнэ.
2. 2 дугаар зүйл. Гишүүний эрх
2.2.1. Холбооны удирдлагад сонгох, сонгогдох.
2.2.2. Холбооны үйл ажиллагаатай холбоотой асуудлаар санал, шүүмжлэл гаргах, хариулт авах
2.2.3. Удирдах зөвлөлийн хуралдаанд оролцох
2.2.4. Шаардлагатай гэж үзвэл зохих үндэслэлийг Удирдах зөвлөлд гаргаж, Их хурал хуралдуулахыг шаардах
2.2.5. Шагнал урамшил хүртэх
2.2.6. Өөрийн хүсэлтээр гишүүнээс татгалзах
2.2.7. Хууль, дүрэмд заасан бусад эрх
2. 3 дугаар зүйл. Гишүүний үүрэг
2.3.1. Холбооны дүрэм, журам, заавар болон хамтын шийдвэрийг дагаж мөрдөх
2.3.2. Холбооны бодлого, үйл ажиллагааг нийтэд сурталчлах, нэр хүндийг хамгаалах
2.3.3. Холбоог үйл ажиллагаагаараа болон санхүүгийн талаар дэмжих
2.3.4. Гишүүний татварыг тогтоосон журмын дагуу хугацаанд нь төлөх
2.3.5. Холбооны үүрэг зорилтыг хэрэгжүүлэхэд идэвхитэй оролцох
2.3.6. Хууль, дүрэмд заасан бусад үүргүүд
Гуравдугаар бүлэг
Холбооны бүтэц, зохион байгуулалт, удирдлага
3.1 дугаар зүйл. Зохион байгуулалтын бүтэц
3.1.1. Холбооны зохион байгуулалтын бүтэц нь Их хурал, Тэргүүн, Удирдах зөвлөл, Гүйцэтгэх захирал, Хяналтын зөвлөл, Ажлын албадууд байна.
3.2 дүгээр зүйл. Холбооны их хурал
3.2.1. Холбооны эрх барих дээд байгууллага нь Их хурал байна.
3.2.2. Ээлжит Их хурлыг жилд нэг удаа зарлан хуралдуулна.
3.2.3. Их хурлын төлөөлөгчөөр Холбооны жинхэнэ гишүүд сонгох, сонгогдох бүрэн эрхтэй.
3.2.4. Хуралд урилгаар төлөөлөгчид оролцож болно.
3.2.5. Сонгогдсон төлөөлөгчдийн дийлэнх олонхийн бүрэлдхүүнтэйгээр Холбооны их хурал хуралдаж шийдвэр гаргана. Хуралдаанаар хэлэлцсэн асуудлыг санал хураалтад оролцсон төлөөлөгчдийн олонхийн саналаар шийдвэрлэнэ.
3.2.6. Холбооны Их хурлаар хэлэлцэх асуудал нь дараах хүрээнд багтана. Үүнд:
• Холбооны сонгуульт хугацаанд Удирдах зөвлөл, Хяналтын зөвлөлөөс хийж гүйцэтгэсэн ажлын тайлан илтгэлийг хэлэлцэж, ээлжит зорилтыг тодорхойлох
• Холбооны дүрэмд өөрчлөлт оруулах, батлах
• Холбооны Тэргүүнийг сонгох, чөлөөлөх
• Холбооны Удирдах зөвлөл, Хяналтын зөвлөлийг сонгож, байгуулах
• Холбоог өөрчлөн байгуулах, татан буулгах
• Гишүүдийн татварын хэмжээг батлах
• Цаг үеийн бусад асуудлууд
3.2.7. Их хурлын дэгийг Их хурал өөрөө тогтооно.
3.2.8. Их хурал тодорхой асуудлаар бүрэн эрхээ Удирдах зөвлөлд шилжүүлж болно.
3.2.9. Их хурлын шийдвэр нь тогтоол байна. Тогтоол нь Хурлын дарга, Тэргүүлэгчид гарын үсэг зурснаар баталгаажна.
3.3 дугаар зүйл. Холбооны Тэргүүн
3.3.1. Тэргүүн нь бодлогыг хэрэгжүүлэх үйл ажиллагааны удирдагч бөгөөд Холбоог албан ёсоор дотоод, гадаадад төлөөлөх, өмч хөрөнгийг захиран зарцуулах болон хууль тогтоомжинд заасан бусад бүрэн эрхийг эдэлнэ.
3.3.2. Тэргүүнийг Холбооны Их хурлаар сонгох ба Монголын Залуу Эрдэмтдийн Холбооноос батламжилна.
3.3.3. Холбооны Тэргүүний бүрэн эрхийн хугацаа нь нэг жил байх ба улиран сонгогдож болно.
3.3.4. Тэргүүн нь Удирдах зөвлөл, Гүйцэтгэх захирал, аль нэг гишүүнд тодорхой хугацаанд, тодорхой асуудлаар Холбоог төлөөлөх эрхийг бичгээр итгэмжлэн олгож болно.
3.3.5. Тэргүүн нь Удирдах зөвлөлийн хурлыг Гүйцэтгэх захирал, нарийн бичгийн дарга нартай хамтран зохион байгуулах бэлтгэл ажлыг хариуцаж, хурлыг зарлан хуралдуулна.
3.3.6. Удирдах зөвлөлийн хурлыг даргалж санал тэнцсэн тохиолдолд эцсийн шийдвэрийг гаргана.
3.3.7. Тэргүүн нь Удирдах зөвлөлийн ажлын албадууд, Гүйцэтгэх захирал, Хяналтын зөвлөлтэй гэрээ байгуулж, хэрэгжилтэнд хяналт тавьж, үйл ажиллагаанд нь үнэлэлт дүгнэлт өгч ажиллана.
3.3.8. Удирдах зөвлөлийн хурлын тогтоолд хурал даргалагч гарын үсэг зурж баталгаажуулна.
3.3.9. Тэргүүн нь өөрийн бүрэн эрхийн хугацаа дууссан нөхцөлд шинээр Тэргүүнийг сонгох хүртэл албан үүргээ хэвээр гүйцэтгэнэ.
3. 4 дүгээр зүйл. Гүйцэтгэх захирал
3.4.1. Гүйцэтгэх захирлыг Холбооны Тэргүүний санал болгосноор Удирдах зөвлөлийн хурлаар хэлэлцэж, нэг жилийн бүрэн эрхийн хугацаатайгаар томилно.
3.4.2. Холбооны Тэргүүний эзгүйд түүнийг орлон ажиллана.
3.4.3. Удирдах зөвлөлийн Ажлын албадыг байгуулж ахлагчдыг томилно.
3.4.4. Холбооны нэгдсэн төлөвлөгөө болон Удирдах зөвлөлийн ажлын албадуудын үйл ажиллагааны журам, жилийн ажлын төлөвлөгөөг батлан, хэрэгжилтэд хяналт тавьж ажиллана.
3.4.5. Удирдах зөвлөлийн үйл ажиллагааг сайжруулж, гишүүдийг идэвхижүүлэхэд гол үүрэг гүйцэтгэн, гүйцэтгэлийн үлгэр жишээ үзүүлэн ажиллана.
3.5 дугаар зүйл. Удирдах зөвлөл
3.5.1. Удирдах зөвлөл нь Холбоог бодлогын удирдлагаар ханган ажиллах сайн дурын сонгуульт гишүүдээс бүрдсэн эрх барих зөвлөл мөн.
3.5.2. Удирдах зөвлөлийн гишүүний тоо есөөс доошгүй сондгой тоотой байна.
3.5.3. Удирдах зөвлөлийн гишүүн тус бүр нэг жилийн хугацаатай сонгогдох ба улиран сонгогдож болно.
3.5.4. Удирдах зөвлөлийн санал болгосноор шинэ гишүүнийг удирдах зөвлөлийн хурлаар олонхийн саналаар батлан сонгоно.
3.5.5. Удирдах зөвлөл дараахи ажил үүргийг гүйцэтгэнэ.
 Байгууллагын зорилго зорилтуудыг тодорхойлох
 Стратеги төлөвлөгөөг хөгжүүлэх
 Байгууллагыг бодлогын манлайллаар хангах
 Гүйцэтгэх захирлыг батлах
 Тэргүүн, Гүйцэтгэх захирлын үйл ажиллагааг дэмжин туслах
 Санхүүгийн бодлогыг боловсруулах
 Байгууллагыг олон нийт, засгийн газартай холбох
 Хөрөнгө босгох үйл ажиллагааг удирдах
 Дүрэмд нэмэлт өөрчлөлт оруулах
 Холбооны гишүүдээс шаардсан хууль ёсны шаардлагуудыг хэрэгжүүлэх
3.5.6. Удирдах зөвлөлийн хурал
 Хурлын эрх хэмжээ: Удирдах зөвлөлийн гишүүд хамтын шийдвэр гаргах бүрэн эрхээ хурлаараа хэрэгжүүлнэ.
 Хурлын төрөл: Удирдах зөвлөлийн хурал ээлжит ба ээлжит бус байна. Ээлжит бус хурлыг Тэргүүн эсвэл Гүйцэтгэх захирлын шийдвэрээр буюу Удирдах зөвлөлийн гишүүдийн 1/3-ийн хүсэлтээр хэзээ ч зарлан хуралдуулж болно. Удирдах зөвлөлийн ээлжит хурлыг 14 хоногт нэг удаа хуралдуулна. Хурлыг хаалттай хуралдуулж болно.
 Хурлын тов ба хэлэлцэх асуудал: Хурлын тов болон хэлэлцэх асуудлыг нарийн бичгийн дарга холбооны Тэргүүн, Гүйцэтгэх захиралтай хамтран боловсруулж хурал болохоос 3-5 хоногийн өмнө гишүүдэд хүргүүлнэ. Хурал болохоос өмнө Удирдах зөвлөлийн гишүүд хэлэлцэх асуудалд саналаа өгч болно.
 Хурлын ирц: Удирдах зөвлөлийн гишүүдийн 2/3 нь ирсэн тохиолдолд хүчинтэй гэж үзнэ.
 Хурлын шийдвэр:Удирдах зөвлөлийн хурлын шийдвэрийг олонхийн саналаар гаргана. Удирдах зөвлөлийн шийдвэр бичгээр гарч хурал даргалагч /Тэргүүн, Гүйцэтгэх захирал/ гарын үсэг зурснаар хүчин төгөлдөр болно. Санал тэнцсэн тохиолдолд хурал даргалагч /Тэргүүн, Гүйцэтгэх захирал/ эцсийн шийдвэрийг гаргана.
 Удирдах зөвлөлийн хурлын тэмдэглэл: Хурлын тэмдэглэлийг нарийн бичгийн дарга хөтлөнө. Хурлын тэмдэглэлд хуралдаанаар хэлэлцсэн асуудал, баталсан шийдвэр, нууц санал хураалтыг тоогоор, ил санал хураалтыг нэрээр гаргасан дүн, сонирхлын зөрчилтэй холбогдсон тайлбар, гарах шийдвэрийн талаар зарчмын өөр саналтай гишүүний тайлбар зэргийг тэмдэглэнэ. Гишүүн тайлбараа бичгээр гаргана.
3.5.7. Удирдах зөвлөлийн нарийн бичгийн даргын үүрэг: Нарийн бичгийн дарга хурлыг зохион байгуулахад Тэргүүн, Гүйцэтгэх захиралд туслах болон хурлын тэмдэглэлийг хөтлөх үүрэгтэй. Нарийн бичгийн даргыг Гүйцэтгэх захирал томилно. Холбооны дүрэм, удирдлагын бодлого чиглэл, удирдамж, шийдвэрийг хэрэгжүүлэх ажлыг зохион байгуулж, өдөр тутмын үйл ажиллагааг гардан гүйцэтгэж, үйл ажиллагааны талаарх мэдээллээр удирдлагыг хангаж ажиллана.
3.5.8. Удирдах зөвлөлийн үйл ажиллагаа албадуудаар хэрэгжих ба гишүүд дараах албадуудад хуваагдан ажиллана.
 Хүний нөөцийн алба
 Мэдээлэл, сурталчилгаа, олон нийттэй харилцах алба
 Гадаад харилцаа, хамтын ажиллагааны алба
 Бусад албад. Удирдах зөвлөл ажлын ачааллаасаа шалтгаалж бусад албадуудыг байгуулж болно.
3.5.9. Удирдах зөвлөлийн гишүүнээс чөлөөлөх ба татгалзуулах
 Чөлөөлөх журам: Удирдах зөвлөлийн гишүүнээс сайн дураараа чөлөөлөгдөхийг хүссэн гишүүн хүсэлтээ Удирдах зөвлөлийн хуралд оруулж гишүүдийн олонхийн саналаар шийдвэрлүүлнэ.
 Татгалзуулах журам: Ажлын шаардлага хангахгүй байгаа буюу зөрчил гаргасан тохиолдолд удирдах идэвх сул Гүйцэтгэх захирал, Удирдах зөвлөлийн гишүүнийг Удирдах зөвлөлийн хурлаар хэлэлцэж, олонхийн саналаар халах, өөрчлөх асуудлыг шийдвэрлэнэ.
 Татгалзуулах шалтгаан: Удирдах зөвлөлийн хурлыг нэг жилд гурваас илүү шалтгаангүйгээр тасалсан, Холбооны үзэл баримтлал, зарчмыг зөрчсөн, сонирхлын зөрчилд автагдсан ба гэмт хэрэгт холбогдсон нь тогтоогдсон бол гишүүнийг татгалзуулах шалтгаан болно.
3.6 дугаар зүйл. Хяналтын зөвлөл
3.6.1. Хяналтын зөвлөл нь Холбооны дүрмийн хэрэгжилт болон байнгын үйл ажиллагаанд хяналт тавина.
3.6.2. Хяналтын зөвлөл тэгш эрхтэй 5 гишүүнээс бүрдэх ба Холбооны их хурлаас нэг жилийн хугацаатай сонгогдоно.
3.6.3. Хяналтын зөвлөлийн гишүүн нь Удирдах зөвлөлийн гишүүн байхыг хориглоно.
3.6.4. Хяналтын зөвлөлийн гишүүн Удирдах зөвлөлийн хуралд зөвлөх эрхтэйгээр оролцох, шийдвэрүүдтэй нь танилцах, дансыг шалгах, санхүүгийн холбогдолтой мэдээлэл гаргуулж авах эрхтэй.
3.6.5. Холбооны дүрэм зөрчигдсөн тухай Хяналтын зөвлөлийн аливаа шийдвэрийг бичгээр гаргана.
3.6.6. Хяналтын зөвлөл нь шийдвэрийнхээ тухай Холбооны Их хурал, Удирдах зөвлөлийн хуралд илтгэл тавих буюу мэдэгдэл, мэдээлэл хийх эрхтэй.
Дөрөвдүгээр бүлэг. Холбооны хөрөнгө, санхүү
4.1 дүгээр зүйл. Холбооны санхүүгийн эх үүсвэр
4.1.1. Холбоо нь дараахи орлогын эх үүсвэрээс санхүүжиж үйл ажиллагаагаа явуулна
 Дүрэмд заасан үйл ажиллагаанаас олсон орлого
 Гишүүдийн татвар
 Зорилгын дагуу аж ахуйн үйл ажиллагаа эрхэлж олсон орлого
 Хөрөнгө босгож олсон хандив, бэлэг, тусламж
 Төрийн тэтгэлэгт хөтөлбөр, төслүүд
 Гадаад дотоодын санхүүжүүлэгч байгууллагын тэтгэлэгт төслүүд
 Хууль тогтоомжийн хүрээнд олсон бусад эх үүсвэр
4.1.2. Хөрөнгө зарцуулах зарчим: Холбоо нь олсон орлогыг дүрэмд заасан зорилгоо хэрэгжүүлэхэд зориулан зарцуулна.
4.1.3. Ашиг үл хуваарилах: Холбоо нь Төрийн бус байгууллагын хуульд зааснаар ашиг хуваарилах, зээл олгох, хөрөнгийн баталгаа гаргах, хуульд хориглосон зориулалтаар хандив хэнд ч үл өгнө.
4.1.4. Хувийн ашиг үл олох: Холбооны Тэргүүн, Гүйцэтгэх захирал, Удирдах зөвлөлийн гишүүдийн хэн ч байгууллагын эд хөрөнгөөр хувийн ашиг олох зорилгоор санхүүгийн буюу аж ахуйн үйл ажиллагаа явуулахыг хориглоно.
4.1.5. Санхүүгийн хяналт: Холбооны санхүүгийн үйл ажиллагааг Хяналтын зөвлөл хянаж, шаардлагатай гэж үзвэл хөндлөнгийн хяналт оруулах шийдвэрийг Удирдах зөвлөл гаргана.
4.1.6. Холбоо нь өөрийн эд хөрөнгийн хууль ёсны өмчлөгч мөн.
4.2 дугаар зүйл. Холбооны хөрөнгө
4.2.1. Холбооны хөрөнгө дараах зүйлээс бүрдэнэ. Үүнд:
 Холбооны нэр, бэлгэдэл, тамга тэмдэг, далбаа
 Холбооны архив
 Холбооны биет болон биет бус хөрөнгө
 Өмчлөлийн бусад зүйлс
Тавдугаар бүлэг
Холбоог өөрчлөн байгуулах, татан буулгах тухай
5.1 дүгээр зүйл. Холбоог өөрчлөн байгуулах, татан буулгах
5.1.1. Өөрчлөн байгуулах, татан буулгах шийдвэр: Холбоо нь эрхэм зорилгоо хэрэгжүүлж дууссан гэж үзвэл Их Хурлын шийдвэрээр Холбоог нэгтгэх, хуваах, тусгаарлах, өөрчлөх замаар өөрчлөн байгуулах буюу татан буулгаж болно.
5.1.2. Үлдсэн эд хөрөнгийг үл хуваах: Холбоо нь татан буугдсан тохиолдолд үлдсэн эд хөрөнгийг түүний гишүүд, үүсгэн байгуулагчид, хөдөлмөрийн гэрээгээр ажиллагсад болон аливаа этгээдэд хуваарилан олгохыг хориглоно.
5.1.3. Үлдсэн эд хөрөнгийн зориулалт: Татан буугдсан тохиолдолд үлдсэн эд хөрөнгийг ижил төстэй зорилго бүхий нэг эсхүл хэд хэдэн төрийн бус байгууллагад шилжүүлэх, ийм этгээд байхгүй тохиолдолд дүрмэнд заасан зорилгод нийцсэн үйл ажиллагаанд зориулан зарцуулахаар шийдвэрлэнэ.
Зургаадугаар бүлэг. Бусад зүйл
6.1 дүгээр зүйл. Холбооны дүрэмд нэмэлт өөрчлөлт оруулах
6.1.1. Удирдах зөвлөлийн олонхийн саналаар дүрэмд нэмэлт өөрчлөлт оруулж болно. Дүрэмд оруулах нэмэлт өөрчлөлтийн төслийг Удирдах зөвлөл боловсруулж, Удирдах зөвлөлийн хурлаар батласнаар хүчин төгөлдөр болно.
6.1.2. Нэмэлт өөрчлөлтийг бүртгүүлэх: Дүрмийн нэмэлт өөрчлөлтийг Хууль Зүйн Яаманд 30 хоногийн дотор явуулах ажлыг Гүйцэтгэх захирал хариуцна
6.2 дугаар зүйл. Тайлан
6.2.1. Холбоо нь үйл ажиллагааныхаа тайланг хуулийн тогтоосон хугацаанд Хууль зүй, дотоод хэргийн яаманд хүргүүлж, санхүүгийн тайланг тухайн харьяаллын татварын албанд гаргаж өгнө.
6.2.2. Тухайн жилд холбоонд өгсөн хандивыг хэрхэн зарцуулсан тухай хандивлагчдад тайлагнахдаа тэдгээртэй байгуулсан гэрээгээр зохицуулна.
6.3 дугаар зүйл. Баталгаажуулах
6.3.1. Энэхүү Дүрэм нь Удирдах Зөвлөлөөр батлагдсан өдрөөс эхлэн хүчин төгөлдөр болно.
-оо0оо-

Семнарын зар

Монголын Залуу Эрдэмтдийн Холбоо, Байгалийн Ухааны
Салбарын Залуу Эрдэмтдийн Холбооноос сар бүр зохион
байгуулдаг “Залуусаас залууст” сэдэвт залуу судлаачдын
уулзалт семинарт хүрэлцэн ирэхийг урьж байна.

Энэ удаагийн семинарт Шинжлэх Ухааны Академийн
Хими, хими технологийн хүрээлэнгийн эрдэм
шинжилгээний ажилтан Л.Энхсүх болон Экологи
Боловсролын Төвийн мэргэжилтэн Д. Түвшинжаргал нар
өөрсдийн судалгааны ажилын сэдвүүдээр илтгэл тавина.

Хэзээ: 2008 оны 11 дүгээр сарын 13 нд 17:00 цагаас
Хаана: Экологи Боловсролын Төвийн хурлын зааланд, №201

2008/10/30

Association of Young Natural Scientists of Mongolia

First of all, in behalf of all young scientists and researchers I would like to express my thanks to you for your cooperation and support of our association. Young Natural scientists’ Association conducts its activities with the purpose of developing science in Mongolia, introducing new technologies in practice, promoting young scientists and researchers and increasing their roles and responsibilities for the development of our country.
We believe that our cooperation would expand and be more fruitful in the future.

President of the Young Natural Scientists’ Association of Mongolia: B. Avid

Brief history
Young Natural Scientists’ Association of Mongolia was founded on the 17th of March 2004 after it had received its official certificate and stamp from the Ministry of Justice and Internal Affairs. The president of the association was S.Demberel from 2004 until 2007 and is now B.Avid since 2007. B.Amarsanaa worked as an executive director from 2004 until 2005, Ts.Ganzorig from 2005 until 2007 and L.Enkhsukh is working since 2008 until now. The association organizes research conference “Khurel Togoot” every year among young scientists working in the field of chemistry, physics, biology, mathematics and astronomy and the best two researchers are nominated for the grant of the Ministry of Education, Culture and Science.

Organization
Young Natural Scientists’ Association of Mongolia
Great Khural (Parliament)
President Executive director Secretary
Steering committee Departments Department of Human resources
Control unit Department of Foreign Relations
Department of Communication and Media

Activities:

Promote research works of young scientists and researchers and organize international and national meetings, conferences, workshops and seminars

Promote and support the Association members when studying and working abroad for the development of their professional knowledge

Propose and implement joint national and international projects in cooperation with governmental and non-governmental organizations and find financial, professional and informational support and investments

Establish regional branches of the association and provide them with necessary support and organization

Give the best member researchers the prize of the association and nominate them for the governmental and other organizational prizes

Members of the steering committee


Department of Foreign Relations
2008.10.28

2008/10/28

Contact us

Бидэнтэй холбоо барих:

Telephone: 99002389, 99299052, 98984988
Yahoo group email: naturescience2008@yahoogroups.com