2010/04/27

Зарлал

Байгалийн Ухааны Салбарын Залуу Эрдэмтдийн Холбооноос зохион байгуулдаг “Залуусаас Залууст” цуврал семинарт нийт эрдэм шинжилгээний ажилчид, судлаачид, сонирхсон хувь хүн та бүхнийг өргөнөөр оролцохыг урьж байна. Энэ удаагийн семинарын сэдэв:

1. “Study to transparent conducting oxide TiO2 thin film deposit on glass substrate and possible applications”
Илтгэгч : МУИС, ХФ, магистрант  Г.Болормаа

2. “Уур амьсгалын өөрчлөлт, экологийн тулгамдсан асуудал”
Илтгэгч: Хуурай  Газрын Тогтвортой Хөгжлийн Хүрээлэн, докторант  М.Алтанбагана

Семинар 2010 оны 04дүгээр сарын 30-нд ШУА-ийн Информатикийн Хүрээлэнгийн  (ФТХ-ийн байрны 1 давхар ) хурлын зааланд  1700 цагт  болно.

БУСЗЭХ, Эрдэм шинжилгээ, судалгааны алба

2010/04/26

ТОТ Хөтөлбөр

ТОТ Хөтөлбөрийн зорилгo:
Хөтөлбөрийн зорилго нь Монгол улсын өнцөг булан бүрт байгаа сурах, боловсрох эрмэлзлэлтэй оюутан залуусыг улсын зардлаар гадаадад суралцуулж, зах зээлийн шаардлага хангахуйц боловсон хүчнийг бэлтгэн, улс орныг асар богино хугацаанд хөгжилийн өндөр түвшинд гаргахад оршино.
ТОТ Хөтөлбөрийн уриа
Дэлхийн боловсролыг Монгол хүн бүрт. Танилцуулга Оюуны хүчин зүйл хөгжлийн гол түлхүүр болж байгаа өнөө үед манай оронд нийгэм эдийн засгийн шаардлага хангахуйц чадварлаг мэрэгжлийн боловсон хүчин дутагдаж байгаа нь хэн бүхэнд тодорхой болжээ, Монголын дунд, дээд боловсролын хөгжлийг оюун мэдээллийн эрин зууны шинэ шаардлага, даяарчлалын бодит нөхцлүүдтэй нягт уялдуулах зайлшгүй шаардлага бидэнд тулгараад байна.

2010/04/23

Өөрийн замаа Өөрөө бүтээ!

Н.БАГАБАНДИ
Эрхэм залуус аа! Өөрийн замаа өөрөө бүтээ. Та нар амьдралын ямар замаар явах вэ гэдэг сонголтынхоо бэлчир дээр ирсэн байна. Баруун тийш явах уу, зүүн тийш явах уу, урагшлах уу, ухрах уу гэдгээ шийдэх насандаа нэгэнт хүрчээ. Та бүхнийг аугаа их үйл хэрэг хүлээж байгаа. Тэрхүү аугаа их үйл хэргийг гүйцэлдүүлэх уртын урт аян бас хүлээж байна. Аяны харгуй мэдээж дардан биш, энхэл донхолтой, саад бэрхшээлтэй. Тэр бүгдийг зориг тэвчээр заан давах учиртай. Хүн бүхэнд өөрийн гэсэн амьдралын зам бий. Замаа зөв эхлүүл. “Бараг бүх үйл хэрэгт хамгийн хэцүү нь эхлэл байдаг” учир эхлэлээ зөв тавихад туйлын нухацтай хандах ёстой. Сайн эхлэл ажил үйлсийн тал нь гэсэн үг ч бий.Амьдралын зорилгоо тодорхойл. Аливаа зорилгогүй амьдардаг хүмүүс их мөрний усанд хөвөн одох өчүүхэн зомголын хувь заяатай ив ижилхэн. Урсгал хайшаав, зомгол тийшээ. Тэд амьдралын замаар өөрсдөө ухамсартайгаар явдаггүй, харин тэднийг урсган авч явдаг юм.

2010/04/22

Байгалийн Ухааны салбарын Залуу Эрдэмтдийн Холбооны Тэргүүн шинээр сонгогдлоо

2010 оны 04р сарын 20ны өдрийн БУСЗЭХ-ны Удирдах Зөвлөлийн хуралдаанаар тус холбооны Тэргүүн доктор Б. Авид өөрийн хүсэлтээр чөлөөлөгдөж, үүрэгт ажлаа тус Холбоог анх санаачлан үүсгэн байгуулагчдын нэг, 2000-2003 онуудад Монголын Залуу Эрдэмтдийн Холбооны дэд тэргүүнээр ажиллаж байсан Д. Хасбаатарт хүлээлгэн өглөө.

Д. Хасбаатар нь 1976 онд төрсөн. 1998 онд Улаанбаатар Их сургуулийг хими технологич ба экологич мэргэжлээр дүүргэж, 2002 онд Улаанбаатар Их сургуулийн Хими технологи Экологийн тэнхимд магистр, 2008 онд Солонгосын KIST & University of Science and Technology-д Дэд докторын зэрэг /PhD/ тус тус хамгаалсан.

1998-2003 онуудад ШУА, Хими, Хими-Технологийн Хүрээлэнд ЭША, 2008-2009 онуудад Energy Mechanics Research Center, Korea Institute Science and Technology-д Уригдсан Эрдэмтнээр тус тус ажиллаж байсан ба одоо ШУА, Хими-хими технологийн хүрээлэнд “Зэс-Молибдений хүдрийг синтезийн шинэ бодис урвалж ашиглан баяжуулах” сэдвээр сэдвийн удирдагчаар ажиллаж байна.

Д. Хасбаатар нь шинжлэх ухааны болоод төрийн бус байгууллагуудад ажиллаж байсан арвин туршлагатай, багаар ажиллах, манлайлах, харилцаа холбоо тогтоох, мэдлэгээ бусадтай хуваалцдаг байх зарчмуудыг эзэмшсэн, хамт олны дунд нэр хүндтэй, тэргүүний залуу мэргэжилтэн юм.

Тус холбооны Тэргүүнээр сонгогдсон Д. Хасбаатарт нийт гишүүдийнхээ өмнөөс баяр хүргэж, цаашдын ажил үйлсэд нь өндөр амжилт хүсье!

2010/04/21

Зарлал


Байгалийн Ухааны Салбарын Залуу Эрдэмтдийн Холбооны Мэдээлэл сурталчилгаа, олон нийттэй харилцах албанаас 2010 онд зохион байгуулж буй ээлжит ажлын хүрээнд тус холбооны болон Монголын Залуу Эрдэмтдийн Холбооны төлөөлөл Засгийн Газрын Ордонтой танилцах, Монгол Улсын Ерөнхийлөгч, Ерөнхий сайд асан С. Баяр болон холбогдох албаны хүмүүстэй ойрын хугацаанд уулзалт зохион байгуулах гэж байгаа тул нийт гишүүд төлөөлөл болсон эдгээр хүмүүсээр дамжуулж асуух асуулт, шүүмжлэл, санал хүсэлтээ бидэнд илгээнэ үү? Мөн энэхүү уулзалтын бүрэлдэхүүнд орох хүсэлтэй гишүүд бидэнд хүсэлтээ урьдчилан илгээнэ үү?

Бид уулзалтын хугацааг товлосны дараа албан ёсоор та бүхэнд мэдэгдэх болно

Асуулт, шүүмжлэл, санал хүсэлтээ илгээх
И-Майл: naturescience2008@yahoogroups.com
Утас: 99002356, 98635818, 99140266

Мэдээлэл сурталчилгаа, олон нийттэй харилцах алба

2010/04/16

"Солонгост суралцацгаая 2010” боловсролын үзэсгэлэн яармаг

"Солонгост суралцацгаая 2010” боловсролын үзэсгэлэн яармаг, БНСУ-ын тэргүүлэх зэргийн 33 их дээд сургууль оролцоно. Ямар нэгэн үнэ төлбөргүй. Үнэгүй сугалаатай бөгөөд түүнд нь Солонгост ирж очих зардал, төрөл бүрийн гэнэтийн бэлэгтэй. Үзэсгэлэн яармаг 2010 оны 4 дүгээр сар 24,25 нд “Улаанбаатар” дээд сургууль дээр хоёрхон өдөр зохион байгуулагдана. Дэлгэрэнгүй мэдээллийг: 331280, 9903-0153, 9909-4675, 9312-0928 дугаараас аваарай

2010/04/14

“ЭРДЭМТДИЙН ҮГ” цуврал лекц

БСШУЯ, ШУА-аас санаачлан оюунлаг нийгэмд мэдлэг, мэдээлэл түгээх зорилгоор зохион байгуулж буй “ЭРДЭМТДИЙН ҮГ” цуврал лекц 2010 оны 4-р сарын 15-ны өдрийн 14 цагаас МТҮП (Мэдээллийн технологийн үндэсний парк)-д эхэлнэ. Эхний лекц “Монголоо хөгжүүлэхийн тулд эхлээд Монголоо мэдэцгээе” сэдвээр явагдах бөгөөд Олон улсын монгол судлалын холбооны ерөнхийлөгч, Монгол Улсын хөдөлмөрийн баатар, академич Ш.Бира уншина. Мөн Монгол Улсын ерөнхийлөгч асан П.Очирбат оролцож, сонирхогчийн асуултанд хариулах болно.

Эрдэм шинжилгээний залуу ажилтан нарт олгодог БСШУ-ны сайдын нэрэмжит судалгааны грантын тухай мэдээлэл


Эрдэм шинжилгээний залгамж үе, авъяаслаг залуу эрдэмтдийг бэлтгэх, тэдний судалгааны ажлыг хөхиүлэн дэмжих замаар шинжлэх ухааны чадавхийг бэхжүүлэх зорилготойгоор уг грантыг эрдэм шинжилгээний байгууллага, их, дээд сургуулиудад ажиллаж буй Монгол Улсын иргэн 35 хүртэлх насны судлаачдад жил бүр олгодог.
Энэхүү Грантыг шинжлэх ухаан, технологийн тэргүүлэх чиглэлээр судалгаа явуулах, ном, сэтгүүл худалдан авах, гадаадын эрдэмтэдтэй хамтран ажиллах, өөрийн судалгааны чиглэлээр олон улсын хурал, семинарт оролцоход зориулан ашиглах юм.
Залуу судлаачдын идэвхи санаачлага сүүлийн жилүүдэд эрс нэмэгдэж, салбарын болон салбар дамнасан судалгааны ажлууд хамтран хийж байгаа бөгөөд эрдэм шинжилгээний ажлын үр дүнгээ харилцан мэдээлэх, шүүн хэлэлцүүлэх, шинжлэх ухааан, технологийн шинэлэг үр дүн, ололт амжилтуудаас суралцах зорилгоор олон эрдэм шинжилгээний хурал, семинар олонтоо зохиодог болсон. Үүний нэг томоохон жишээ нь Боловсрол соёл шиинжлэх ухааны яам, Шинжлэх ухаан технологийн сан, Шшинжлэх ухааны академи, Монголын залуу эрдэмтдийн холбооноос хамтран зохион байгуулдаг Монголын залуу эрдэмтэн, судлаачдын “Хүрэлтогоотын семинар” эрдэм шинжилгээний бага хурал юм. Уг хуралд оролцогчдын тоо жилээс жилд нэмэгдэн, тэдний бүтээлийн чанар улам бүр сайжирч байна. Уг семинарт жил бүр 400 гаруй судлаач, эрдэм шинжилгээний ажилтнууд оролцон эрдэм шинжилгээ, судалгааны ажлын арга зүйн мэдлэг, түвшингээ дээшлүүлж байдаг билээ.
БСШУ-ны сайдын нэрэмжит 2 сая төгрөгний грантыг 2010 онд судалгааны ажлын онолын болон практик ач холбогдол, үр дүн, судлаачын цаашид өсөх ирээдүй зэргийг харгалзан авъяслаг, чадварлаг дараахи 10 залуу судлаачид олгохоор болсон юм. 


Судлаачийн нэр
Хаана ажилладаг
Бүтээлийн нэр
1
Ц.Билэгтсайхан
Анагаах ухааны хүрээлэн, Эрдэм шинжилгээний төв лабораторийн Эрдэм шинжилгээний ажилтан
“Говь-Алтай аймгийн хүн амын дунд тохиолдох удамшлын невропатын судалгаа”
2
Д. Цэлмэн
Эрүүл мэндийн шинжлэх ухааны их сургуулийн Молекул биологи, Удам-зүйн тэнхимийн багш
Helicobacteri Pylori-ийн антибиотик мэдрэг чанарыг тодорхойлсон нь”
3
Г.Жавхлан
Мал эмнэлгийн хүрээлэнгийн Эрдэм шинжилгээний ажилтан
“Адууны бабезиозын үүсгэгч Theileria equi-ийн” лабораторийн цэвэр өсгөвөр гарган авчгадаргуугийн уураг кодлогч EMA-1 гений филогенетикийг судлах нь”
4
Т.Энхдөл
Монгол улсын их сургуулийн Химийн факультетийн багш
“Цэвэрлэх байгууламжаас ялгарах үнэрт хийг биофильтрацийн аргаар цэвэрлэж, хоргүйжүүлэх”
5
Л.Жамбажамц
Монгол улсын их сургуулийн Геологи, газарзүйн факультетийн багш
Улаанбаатар хот орчимд ажиглагдах борооны бөөн үүл (Cumulonimbus), түүнтэй холбоотой цаг агаарын үзэгдлийн судалгаа
6
Д.Батаа
Шинжлэх ухааны академийн Гео-Экологийн хүрээлэнгийн Эрдэм шинжилгээний ажилтан
“Царцааны (Insecta, Acridoidae) бүлгэмдлийн олон янз байдал ба цөлжилт/ газрын доройтолын харилцаа хамаарлыг илрүүлэх судалгаа”
7
Б.Чинзориг
Шинжлэх ухаан, технологийн их сургуулийн Уул Ууурхайн Инженерийн Сургуулийн багш
“Вольфрамитын хүдрийг баяжуулах үйлдвэрийн технологийн сонголт, эдийн засгийн үр ашиг”
8
Г.Цэрмаа
Монгол улсын боловсролын их сургуулийн Физик, технологийн сургуулийн багш
“Полимер наноматериалын судалгаа”
9
Б.Баатархүү
Шинжлэх ухааны академийн Түүхийн Хүрээлэнгийн Салбарын эрхлэгчийн үүрэг гүйцэтгэгч
“Тува урианхайчуудын түүх, соёл”
10.
Б.Буянтогтох
Шинжлэх ухааны академийн Ус цаг уурын хүрээлэнгйин Эрдэм шинжилгээний ажилтан
“Нейрон сүлжээний аргаар хур тунадас болон түүний хэмжээг урьдчилан мэдээлэх нь”

2010/04/07

2010 онд БНСУ-ын Засгийн газрын тэтгэлгээр гадаадын оюутан сонгон шалгаруулах журам

1. Зорилго
Гадаадын оюутанд БНСУ-ын их дээд сургуульд суралцах боломжийг олгосноор олон улсын боловсролын харилцан солилцоог хөхүүлэн дэмжих болон улс хоорондын найрамдалт харилцааг хөгжүүлэх зорилготой.


2. Сонгон шалгаруулах хүний тоо: Нийт 12 хүн
§Дипломат төлөөлөгчийн газраас: 4 хүн
Уригдах салбар(мэргэжил), Шалгаруулах Их сургууль харгалзахгүй.
§Солонгосын Засгийн газрын захиалгат хуваарь: 8 хү 
Байгууллага
 Урих салбар  Хүний тоо   
Суралцах сургууль   
Шалгаруулах Их, дээд сургууль

Боловсрол, шинжлэх ухаан технологийн яам
 Хууль(Доктор)  1  Күкмин Их сургууль  МУИС
 Мат/Физик/Хими(анагаах)
Доктор
 3  Ёнсэй Их Сургууль  ШУТИС
 Геологи (Доктор)  2  Ёнсэй Их Сургууль  ШУТИС
 Батлан хамгаалах яам  Олон улсын улс төр(Магистр)  1  -  -
 Газар тариалан далайн гаралтай бүтээгдэхүүний яам  Газар тариалан(Мал аж ахуй)  1  -  -
 3. Элсүүлэх салбар болон суралцах сургууль
  • Элсэн суралцах боломжтой их, дээд сургууль: Олон Улсын Боловсролыг Дэмжих Үндэсний Хүрээлэнгээс(NIIED) сонгон шалгаруулсан 61 Их, дээд сургууль
  • Дипломат төлөөлөгчийн газраас санал болгогдох хүний хувьд доорх их, дээд сургуулиудын 1~5 сургуулийг сонгон тухайн улс дахь Дипломат төлөөлөгчийн газар холбогдох материалаа өгнө. Харин Солонгосын Их дээд сургуулиудаас санал болгогдсон хүний хувьд доорх их дээд сургуулийн аль нэгэнд нь материалаа явуулна.
  • Их дээд сургууль тус бүрийн элсүүлэх салбар болон танхимийн талаарх дэлгэрэнгүй мэдээллийг Олон Улсын Боловсролыг Дэмжих Үндэсний Хүрээлэнгийн вэб сайтанд тавих бөгөөд хүсэлт гаргагч нь доорх сургуулиудаас элсэн суралцах боломжтой салбар болон факультетийг сонгох шаардлагатай.

ТУРК БА ЛАОС УЛСЫН ЗАСГИЙН ГАЗРЫН ТЭТГЭЛГЭЭР СУРАЛЦУУЛНА

ТУРК БА ЛАОС УЛСЫН ЗАСГИЙН ГАЗРЫН ТЭТГЭЛГЭЭР СУРАЛЦУУЛНА

2010-2011 оны хичээлийн жилд Монгол Улс ба Бүгд Найрамдах Турк Улс /БНТУ/-ын Засгийн газар хоорондын соёл, боловсрол, шинжлэх ухааны салбарт хамтран ажиллах тухай хөтөлбөрийн дагуу БНТУ-ын Засгийн газрын тэтгэлгээр 29 бакалавр /инженер (8), технологи (5), байгалийн ухаан (3), анагаах ухаан (5), эдийн засаг (4), эрх зүй (2), олон улсын харилцаа (2)/, 8 магистрант /техникийн ухаан, байгалийн ухаан, нийгмийн ухааны чиглэлээр/, мөн соёлын солилцооны хөтөлбөрийн дагуу 15 оюутан /инженер (5), технологи (5), байгалийн ухаан (5)/, 8 магистрант /техникийн ухаан, байгалийн ухаан, нийгмийн ухааны чиглэлээр/-ыг тус тус сургана.

Монгол Улсын Боловсрол, соёл, шинжлэх ухааны яам, Бүгд Найрамдах Ардчилсан Лаос Ард Улс /БНАЛАУ/-ын Боловсролын яам хооронд байгуулсан Оюутан солилцох тухай протоколын дагуу БНАЛАУ-ын Засгийн газрын тэтгэлгээр 8 бакалавр /инженер (3), хөдөө аж ахуй (3), бизнес удирдлага (2)/-ыг тус тус сургана.