2008/12/12

Залуу судлаачдын семинар амжилттай боллоо

Байгалийн Ухааны Салбарын Залуу Эрдэмтдийн Холбоо болон МУИС-ийн Экологийн Боловсролын төвийн хамтран зохион байгуулж буй “Залуусаас залууст” сэдэвт залуу судлаачдын уулзалт, семинар 12 дугаар сарын 11 ны өдрийн Пүрэв гарагт Экологийн Боловсролын төвийн хурлын зааланд амжилттай болж өндөрлөлөө.

Уг семинарын зорилго нь Байгалийн ухааны салбарын чиглэлээр сурдаг болон судалгаа шинжилгээний ажил хийдэг залуучууд, судлаачдын илтгэх чадварыг хөгжүүлэх, тэдний судалгааны ажлыг бусдад хүргэх, таниулах, үнэтэй зөвлөгөө хуваалцах явдал юм. Тус семинар нь сар бүрийн хоёрдахь долоо хоногийн пүрэв гарагт зохиогддог.

Семинар анхны гэдэг утгаараа БУСЗЭХ-ын Удирдах зөвлөл, Хяналтын зөвлөлийн гишүүдийн дунд хийгдсэн бөгөөд бид дараа дараагийн ээлжит семинарууддаа аль болох олон залуусыг хамруулж, семинарын үйл ажиллагаагаа өргөжүүлэх болно.

Энэ удаагийн семинарт Шинжлэх Ухааны Академийн Хими, хими технологийн хүрээлнгийн эрдэм шинжилгээний ажилтан
Л. Энхсүх “Зарим төрлийн ашигт ургамлаас ундааны зориулалттай хагас бэлэн бүтээгдэхүүн гарган авах технологийн судалгаа”
Физикийн хүрээлэнгийн эрдэм шижилгээний ажилтан
П. Довчинваанчиг “A study of nanostructured Membrane Electrode Assembly for FEM Fuel Cell” зэрэг өөрсдийн судалгааны ажилуудаар илтгэл хэлэлцүүллээ.

Сонирхсон хүн бүрт манай семинарын хаалга үргэлж нээлттэй байх болно.
Та бидэнтэй холбоо барихыг хүсвэл: 99069698, 96053336, 99068399 зэрэг утасаар холбоо барина уу!

4 comments:

Odgerel Dalkhjav said...

Zaluusiinhaa tsaashdiin ajild ni amjilt husey. Seminariinhaa zariig ali boloh olon hund hurch, urgun hureeg hamarsan bhiig bodoj zohitsuulbal zugeer shuu!!!

Odgerel Dalkhjav said...

Зурагнууд маань жаахан тиймэрдүү байнаа тээ, уг нь гайгүй л аппаратаар авсан юмсан. Түвшээ! авсан зурагнуудаасаа оруулаарай, ок

Др.Д.Одгэрэл said...

Үнэхээр сайхан санаа шүү энэ. Бүгдэнд нь амжилт хүсье. Улам олон хүнийг хамарсан сайхан семинарууд зохиогдож байгаасай.

Anonymous said...

Seminar amjilttai bolj ungursund bayartai bna, mash heregtseetei baisasan, tsaashid zokhiogdokh ajiluudad ulam bur erch ugnu gedegt naidaj bna. Bugded ni amjilt husie!!