Монголын Залуучуудын Холбооноос өнгөрсөн 2008 онд “Би Монгол залуу хүн” цуврал лекцүүдийг залуучуудын мэдлэг боловсрол, хувь хүний хөгжил, эх оронч сэтгэлгээг төлөвшүүлэх, чөлөөт цагаа зөв боловсон өнгөрүүлэхэд дэмжлэг үзүүлэх зорилгоор үнэ төлбөргүйгээр 14 хоног тутамд 1 удаа явуулж нэр бүхий 9 лекторын лекцийг 2000 гаруй залуучуудад хүргэсэн билээ.
Энэхүү цуврал лекцүүд энэ онд уламжлал болон зохион байгуулагдах бөгөөд өмнөх лекцүүдийн үеэр залуучуудаас авсан санал асуулгын үр дүнд олонхын санал авсан нэр бүхий 11 хүн 2009 оны эхний хагас жилд лекц уншихаар болоод байна.
“Би Монгол залуу хүн” цуврал лекцийн энэ оны эхний лекцийг Монголын Бурхны шашинтны төв гандантэгчэнлин хийдийн тэргүүн хамба лам Д.Чойжамц “Монгол хүн байхын учир” сэдвээр уншсан ба өнөөдөр 17:00 цагаас ээлжит лекцийг МУ-ын гавъяат багш Ц.Түвшинтөгс “Гэр бүлд бэлдэх Монгол ухаан” сэдвээр МЗХ-ний хурлын зааланд уншина.
Мөн 14 хоног тутмын Баасан гаригт тогтмол 17:00 цагаас явагдах цуврал лекцүүдийн хуваарийг хавсаргав.
| № | Лекторууд | Албан тушаал | Хугацаа |
| 1 | Д.Чойжамц | Монголын Бурхны шашинтны төв гандантэгчэнлин хийдийн тэргүүн хамба лам | 2 сарын 6 |
| 2 | Ц.Түвшинтөгс | МУ-ын Гавъяат багш | 2 сарын 20 |
| 3 | С.Баяр | МУ-ын Ерөнхий сайд | 3 сарын 6 |
| 4 | Н.Баатархүү | Лектор төвийн тэргүүн | 3 сарын 20 |
| 5 | н.Даваахүү | Шарк төвийн тэргүүн | 4 сарын 3 |
| 6 | Төгөлдөр | Донж төвийн тэргүүн | 4 сарын 17 |
| 7 | Б.Лхагвасүрэн | Ардын уран зохиолч, Төрийн соёрхолт | 5 сарын 1 |
| 8 | Ц.Саранцэцэг | Шри шри амьдрах ухаан төвийн тэргүүн | 5 сарын 15 |
| 9 | Т.Намжил | УБДС-ийн гэр бүл судлалын тэнхимийн эрхлэгч доктор профессор | 5 сарын 29 |
| 10 | Г.Бадамсамбуу | Гараг студийн захирал | 6 сарын 12 |
| 11 | Ш.Гүрбазар | Соёлын гавьяат зүтгэлтэн | 6 сарын 26 |
МОНГОЛЫН ЗАЛУУЧУУДЫН ХОЛБОО
322643, 321814, 88171426
No comments:
Post a Comment