Гишүүдийн судалгааны ажлууд

Байгалийн Ухааны Салбарын Залуу Эрдэмтдийн Холбооны жинхэнэ гишүүдийн эрдэм шинжилгээ, судалгааны ажлуудын талаарх мэдээлэлд шинэчлэлт хийлээ.

Дэлгэрэнгүй мэдээллийг naturescience2008@yahoogroups.com хаягаар болон сонирхож буй судалгааны ажлыг хийж буй гишүүний хаягаар харьцаж авна уу. Танд амжилт хүсье.

Татаж авах холбоос дээр дарж МедиаФайр сайтаас аваарай

Шинэ Гүйцэтгэх захирал сонгогдлоо

Байгалийн Ухааны Салбарын Залуу Эрдэмтэдийн Холбооны гүйцэтгэх Захирал Л.Энхсүх урт хугацаагаар гадаад суралцах болсонтой холбогдуулан БУСЗЭХ-ны нийт гишүүдийн дунд гүйцэтгэх захирлын сонгон шалгаруултыг зарласан билээ.

2009 оны 08-р сарын 19 ны БУСЗЭХ-ны УЗ-ийн ээлжит бус хурлаар сонгон шалгаруултанд материалаа ирүүлсэн болон нэр дэвшигдсэн гишүүдээс хэлэлцүүлэн БУСЗЭХ-ны шинэ гүйцэтгэх захирлаар тус холбооны хүний нөөцийн албаны гишүүн О.Жамъянг олонхийн саналаар сонголоо.

О.Жамъян нь 1982 онд Улаанбаатар хотод төрсөн. 1989-1999 онд Улаанбаатар хотын лаборатори 1-р сургуулийг, 2006 онд ШУТИС-ийн МИС-ийг "Металл судлал, технологи" мэргэжлээр, 2009 онд Улаанбаатарын Их Сургуулийн хэрэглээний физикийн магистрантурыг тус тус суралцаж төгссөн. 2006 оноос одоог хүртэл ШУА-ийн ФТХ-ийн МСНТС-т ЭША-аар ажиллаж байна.

Тус холбооны 4 дэх гүйцэтгэх захирлаар шинээр сонгогдсон О. Жамьяндаа нийт гишүүдийнхээ өмнөөс баяр хүргэж, цаашдын ажил үйлсэд нь амжилт хүсье!